名古屋鯨魚有「心」贏

名古屋鯨魚有「心」贏 

名古屋鯨魚喺日職就冇表現，不過去到日聯盃就唔同講法，目前喺B組手握10分、以5分拋離緊次席嘅神戶勝利船，再贏落去好有機會能夠以首名身份提早出線！相信呢個機會亦唔細嘞，事關主隊清水心跳近期不斷失分，淨係贏過一隊神戶勝利船咁大把，最大件事就係白崎凌兵、鎌田翔雅，同埋村松大輔仲未趕得切落場，傷兵問題持續嚴重，作客嘅鯨魚可以趁住心跳有病再攞埋佢哋條命！（周三4，香港時間周三6:00pm開賽）

同組嘅橫濱水手近期連開3W，能夠喺鯨魚、天鵝，以及心跳身上取得連勝絕對唔係講玩，偏偏對手神戶勝利船近期就輸俾心跳，若果用心跳嚟做「近況指標」已經睇得出今次對碰水手係贏硬咁滯！再睇埋水手喺呢3W當中贏晒全部讓平手、半球嘅亞洲盤，再開呢個平、半盤仲可以走漏眼就只能夠怪自己唔小心嘞。（周三6，香港時間周三6:30pm開賽）