城南主場破釜沉「州」

城南主場破釜沉「州」
   
亞冠16強演中韓大戰，主場嘅FC城南走勢平穩，加上有球迷支持作為後盾，有望砌低前度盟主FC廣州，畢竟客軍呢排表現一般，連簡拿華路都開口批評，反正FC城南讓平手、半球唔算多，揀上盤！（周三8，now670台周三6:30pm直播）

嚟自南韓嘅FC城南，日前喺聯賽以1:0擊敗蔚山現代，前鋒柏積奧同埋中場列卡度般奴愈嚟愈合拍，加上另一巴西外援佐真奴已經傷癒，FC城南嘅實力更加完整，難怪教練金鶴范深信喺球迷打氣之下，首回合可以先下一城。FC廣州日前喺中超被FC上海迫和，走勢明顯回落，最慘係射手艾傑臣同埋阿倫都會因傷缺陣，今仗只得中場列卡度高拉特一位外援可以候命，入球能力勢必削弱，加上教練簡拿華路批評球隊近期表現，多少影響士氣，信城南開上盤。

艾阿恩受讓明益「里」

同日阿爾阿里主場對艾阿恩就係阿聯酋球隊內訌，主隊阿爾阿里近期走勢飄忽，相反艾阿恩就剛於本土盃賽取得大捷，加納射手基恩更加個人獨取4球，腳風超順，故艾阿恩受讓平手、半球可搏下盤。（周三10，香港時間周三11:45pm開賽）