“黑貓”受讓劈“炮”

“黑貓”受讓劈“炮”

    英超明晨安排一場補賽，由阿仙奴對新特蘭。阿仙奴排在前四肯定走唔甩，問題係能否搶返個“老二”位置。球隊近期表現只屬一般，近五場只得一勝三和一負，上次主場更加不敵中游分子史雲斯，球員狀態有所回落。即使今仗對住實力較差嘅新特蘭，阿仙奴要讓過一球以上未必有着數。

    排尾五嘅新特蘭今場唔求多，只求一分就可以脫離危險期。臨危受命嘅領隊艾禾卡特預料將會大打守勢足球，定必加強防守力度，阿仙奴要炒起對手未必容易。初盤阿仙奴讓球半／兩球，想贏盤必揀“黑貓”得食。

    為要攞個亞軍，阿仙奴應該唔會放軟手腳，可惜球隊近兩場鋒力下降，上場對住曼聯只得三次中目標攻門，最終只憑對手一個烏龍波才能保住不敗，整體發揮都在水準之下。面對密集防守嘅新特蘭，就算贏波至多都係一球上落。

    新特蘭近四場比賽不但保持不敗，防線亦只失兩球，防守意識明顯加強。且四場連搶八分後，士氣大大提升，球隊有望護級成功，要博一分唔難。

    推介：和波1:1