科根堡去「馬」捧和局

科根堡去「馬」捧和局 

咪睇卡爾馬目前排喺中下游，而且輸波仲多過贏波就認定會繼續失分，實際上佢哋嘅失球數字仲未去到雙位數字，排名低下純粹係因為前鋒死火。（周二5，香港時間周三1:00am開賽）
由中游計起隊隊波嘅失球數字已經去到雙位數字，係得一隊卡爾馬仲未失超過10球，防守力似乎唔錯，問題係踢咗8輪瑞超只係入到6球就真係唔算合格，睇嚟上季射入10球波嘅蘇達基斯離隊真係對前線有好大影響，要上返中上游怕且要等前線拍檔大衛伊姆以及柏巴迪奧夫齊齊腳風轉順先至得嘞。
當然主隊科根堡亦出現類似問題，冇錯英格蘭外援夏基姆阿拉巴近期頻頻都有波入，問題係其他隊友似乎仲未完全上力，靠一個球員取分好容易就俾人睇死，尤其係防線有唔少問題，喺近5戰失11球波，平均每場失到2球以上，搞到失波仲多過入波，兩邊有唔少缺點要和。