希拉爾贏波小意「斯」

希拉爾贏波小意「斯」

應該都冇乜人會記得西亞有隊波叫做柏斯波利斯，不過就點都會聽過希拉爾呢個大名；後者今季繼續買入唔少球星，可以撐呢隊沙特阿拉伯喺首回合先拔頭籌！（周二3，香港時間周二11:00pm開賽）
真係要認吓孤陋寡聞，如果有人話自己知道柏斯波利斯有幾強恐怕都只係大話，不過可以肯定嘅係佢哋入到16強已經夠交代有突。話晒希拉爾都係沙特阿拉伯嘅傳統勁旅，今季佢哋繼續保留到前巴西國腳堤亞高利夫斯，另外南韓中堅郭泰輝亦係國腳級嘅人馬，有呢幾個外援幫手簡直就等於一隊加強版嘅沙特阿拉伯，首回合作客趁住有好分頭最好捧定客勝等收錢。
尾場「卡塔爾內鬥」就見到艾薩德硬撼歷基韋亞！呢兩隊卡塔爾球隊喺近6次對碰主隊贏過1次咁大把，睇嚟唔係好對主隊有利咁喎，總之千祈唔好唔信邪，作客嘅歷基韋亞受讓平、半抵到爛。（周二4，香港時間周三12:15am開賽）