刺搶分「城」意十足

刺搶分「城」意十足 
 
護級鬥到季尾大直路，不過梗局嘅熱刺未必會放生到訪嘅侯城，皆因佢哋上輪英超大敗，返白鹿徑要做嘢搏球迷原諒，對侯城嘅生死根本漠不關心，所以熱刺讓半球、一球依然要向上盤致敬。（周六27，now622台周六10:00pm直播）

熱刺上場聯賽作客0:3不敵史篤城，聯賽已錄得兩連敗，不過前鋒哈利卡尼喺射手榜被阿古路拋離5球，肯定會盡全力數糊，故即使有基利捷斯停賽，熱刺喺白鹿徑出擊依然值得領賴，畢竟佢哋都要到球迷交代，現實唔容許球員揸流攤。侯城上場聯賽不敵般尼，聯賽亦累積兩連敗，雖然護級形勢水深火熱，不過球隊有中場主力迪亞美因傷提早收咧，居迪斯戴維斯同埋辛迪加斯亦復出無期，故此領隊布魯士都相當頭痕，足智彩開讓球盤，捧熱刺上盤冇有怕。

捧紐卡素反底挫昆流

同日昆士柏流浪主場對住紐卡素就睇好喜鵲可以反底，因為昆流篤定降班，球上周更慘吞曼城六蛋，加上有艾真度科連、伊度亞度華加斯同埋莫路沙拉迪倦勤，紐卡素可趁火打劫開平手、半球上盤。（周六25，now623台周六10:00pm直播）