韋甘比主場「夫」聲高

韋甘比主場「夫」聲高

英格蘭乙組聯賽升班附加賽次回合，有3:2領先優勢嘅韋甘比回師主場，有力再次擊敗普利茅夫，事關後者喺形勢上焗攻，後防隨時出現更多空位，韋甘比讓平手、半球上盤有1.88倍，唔買就走寶喇！（周四3，無綫網絡電視301頻道周五2:45am直播）
韋甘比上仗以3:2擊敗普利茅夫，加上英乙常規賽季最後一輪同樣以3:2擊敗諾咸頓，兩戰共入6球，展現出強大火力，事實上，韋甘比近6戰獲4勝1和1負，走勢非常凌厲，離開主場作賽嘅普利茅夫絕對不易招架，上盤有1.88倍確實分頭十足。

另捧修安聯「提」款

同日修安聯對史提芬納治比較難估，兩隊上回合踢成1:1平手，今屆常規賽季交手就各贏一場，本來都想揀和局，不過睇真啲原來修安聯單計主場嘅話，已經連續兩次打敗史提芬納治，讓平手、半球買得1.7倍，睇嚟足智彩都睇好主隊可以勝出。的而且確，史提芬納治作客係差少少，季尾最後兩場作客都贏唔到，分別以0:2負盧頓，同埋2:2和阿克寧頓，加上首回合只能和波，所以今晚要去對手地頭並唔算好樂觀，唔使諗咁多，買修安聯上盤好正路。（周四2，無綫網絡電視302頻道周五2:45am直播）