西維爾W「天」作之合

西維爾W「天」作之合

無可否認，西維爾喺歐霸4強首回合大幅度領先3:0之後，今晚次回合作客意大利唔使出盡全力，但係主隊費倫天拿亦相對地無心戀戰，故此要讓平手、半球實在欠缺說服力，識揀梗係揀西維爾下盤啦！（周四5，有線61及201台周五3:05am直播）
費倫天拿首回合慘敗0:3，不過日前喺意甲以3:2擊敗安玻里，總算有啲安慰，只係翻盤機會微，紫百合會唔會出齊馬里奧高美斯、祖亞昆同埋穆罕默德沙拿等主力係一大疑問，畢竟馬里奧高美斯都係剛傷癒，加上前鋒基奧斯比羅斯同埋侯馬等人繼續倦勤，陣容唔算好完整。

費倫戰意成疑

西維爾日前喺西甲賽和切爾達，雖然中場基斯度科路同埋後衛巴里查未傷癒，不過上仗停賽嘅中場雷恩斯同埋泰莫連拿斯坐完波監，今戰可以候命，而射手卡路士巴卡、中場班尼加、麥比亞同埋後衛迪奧高費古拉斯等主力近期狀態極佳，特別係哥倫比亞前鋒卡路士巴卡，傳聞有唔少歐洲大球會都對佢有興趣，咁就更加要把握機會展示身價啦，再加上西維爾始終係歐霸衛冕冠軍，使命感特別強，是役捧受讓平手、半球要下盤冇錯。