熱拿亞主場可「連」捷 熱拿亞剛剛以0:2不敵羅馬全失3分，不過主帥加斯柏連尼對於下季參加歐洲賽都仲係好有信心，點解會信心爆棚？因為對手係拖連奴囉，唔使諗咁多一於捧「讓主」！（周一11，無綫網絡電視301頻道周二2:45am直播） 唔係話睇低拖連奴，而係呢隊都靈球隊今季已經超額完成任務，除咗一早就排喺中游冇乜降班壓力之外，最重要就係破到紀錄贏到同市死敵祖雲達斯！贏完呢場同市打吡戰之後，可以預期拖連奴成班人嘅心態已經放鬆晒；反而熱拿亞就仲要搶分爭踢歐霸，全隊目前爭個10號仔柏洛迪唔出得之外，幾乎能夠以「夫添」出擊，有埋主場球迷喺度吶喊助威之下有權贏埋盤。