兵工廠一球踩“雲”

兵工廠一球踩“雲”

    歐洲五大聯賽已接近尾聲，冠軍誰屬開始呼之欲出。車路士、拜仁及祖雲達斯早已提早封王，法甲巴黎聖日門應該打風打唔甩。

    西甲方面，皇馬痛失兩分，爭標希望接近幻滅，除非巴塞連輸兩場，皇馬亦要直殺到底，不過，只係妙想天開。巴塞作客馬體會或有可能失分，但最後一戰主場對拉科魯尼亞，輸波只有一個可能性，就係棄權，所以皇馬“算吧啦”。

    車仔已經成為英超之王，另一倫敦球會阿仙奴亦不甘示弱，同曼城爭緊個“老二”做，少踢一場領先三分，只要今晚殺敗史雲斯，兵工廠亞軍在望。球隊嘅主場發揮相當穩定，十六場聯賽只曾一敗，且近期表現同樣值得信賴，已連續十一場未輸過，今仗主場出擊應該冇得輸。

    不過，由於對手史雲斯亦非弱者，整體踢法實而不華，球員平均質素亦唔差，首循環阿仙奴作客大家勢均力敵，最終亦要一比二落敗。今仗返到酋長球場，的確係復仇嘅大好良機，但要大勝未必容易。初盤阿仙奴硬讓球半，隨時贏波輸盤。

    推介：阿仙奴2:1