普雷斯頓主場拆「車」 英甲升班附加賽嘅準決賽嚟到次回合階段，都話咗普雷斯頓隊中有唔少前英超兵可以睇高一線，果然佢哋喺首回合作客就係憑住碧福特嘅入波擊敗車士打菲特，唔好忘記佢哋仲有保羅加拉查等超班借將獲准可以落場幫手，換言之仲有大把貨賣，絕對有權「雙殺」車士打菲特入決賽！（周日14，無綫網絡電視301頻道周日6:30pm直播） 至於英乙升班附加賽就會見到史提芬納治喺主場硬撼實力唔錯嘅修安聯！史提芬納治上季雖然係喺英甲降班，但係該季分數唔錯，根本就有英甲實力，問題係修安聯喺季尾繼續大勇，近8戰僅僅試過1仗有失波，要攻入對手恐怕唔係咁容易嘞。（周日55，香港時間周一1:35am開賽）