曼城小勝「士」日精選

曼城小勝「士」日精選

真係唔好意思，曼城個英超二哥席位未穩固，所以明知昆士柏流浪要力爭護級，都唔可以放對方一條生路，不過藍月亮內部問題都多，要大數亦難，故此足智彩開讓球主客和，不如買4.2倍「讓和」。（周日19，now621台8:30pm直播）

鑑於阿仙奴來勢洶洶，依家已經追到曼城氣咳，如果唔想連英超二哥席位都不保，藍月亮真係要認真地踢埋餘下賽事，而佢哋近期都好生性，分別擊敗韋斯咸、阿士東維拉同埋熱刺，就算唔係踢得好好，都一樣可以持質凌人，呢支億萬大軍人腳鼎盛，唔多唔少都有啲屈機味道。領隊柏歷堅尼今季帶隊冇成績，季尾執包袱係預期之內，而耶耶托尼經理人就話呢位中場9成離隊，同樣有損軍心，所以曼城今晚唔似會大炒，但係買小勝開「讓和」反而係最好時機。

昆流護級形勢惡劣

昆士柏流浪上場聯賽作客以1:2不敵利物浦，近4場聯賽都無法取勝，護級形勢何止嚴峻，簡直係危在旦夕，佢哋今晚仲有奧奴夏停賽無緣倒戈，呢位後衛上仗對紅軍時領紅，而艾真度科連、伊度亞度華加斯同埋莫路沙拉迪亦會因傷缺陣。昆士柏流浪唯一嘅好消息係領隊基斯藍斯預計會獲續約，好可惜球隊下季好大機會要降落英冠作賽，不過前鋒查理柯士甸表現好，或者會吸引其他英超球會收購，無論如何，足智彩開讓球主客和，捧曼城小勝開「讓和」抵玩。