特魯瓦和主「勒」唔住  齋計死數，榜首特魯瓦已經贏得法乙冠軍，而阿勒斯雖然排喺榜尾，但係一樣有些微機會護級，如果就認為前者會放水就未免會失望而回！（周五25，香港時間周六2:00am開賽） 細心一睇積分榜就會發現排喺榜尾嘅阿勒斯即使係贏晒最後3輪賽事，而奧連斯輸晒3場都只係同分，計埋得失球就更加係相差成十幾球波，換言之佢哋同肯定降班根本就冇分別！至於贏得冠軍嘅特魯瓦喺主場就更加冇可能喺米飯班主面前失威啦，畀你喺頭45分鐘保到不敗已經畀足面你。 至於迪安仲要贏埋打後全部賽事先有價講，好在今晚佢哋只係遇到排喺第19位嘅查多魯，贏波唔使多講，為求穩穩陣陣攞晒3分可能會入多幾球保險球。（周五21，香港時間周六2:00am開賽）