RB萊比錫「遜」心十足  即使係進入到最後嘅短直路，德乙嘅形勢都可以有極大變化，好似排喺中上游嘅RB萊比錫一贏辛特侯遜，就機會攞埋最後一張升班入場券！（周五6，有線64及203台周六12:30am直播） 仲有3輪聯賽未踢，目前RB萊比錫仲以6分落後俾達斯泰特，數字上的確冇乜可能升班，不過事在人為，冇理由咩都唔做就算；反而對家辛特侯遜就真係可以諗定去邊度渡假，兩隊波嘅戰意已經分出高低，要埋「讓主」都冇問題。 同時間亮相嘅杜塞爾多夫知道升班無望之後，明顯冇晒戰意，喺近5戰輸成3場咁多；反而阿倫去到季尾就令人好意外吓，尤其係去到季尾仲可以作客連和對手就證明到佢哋仲未對護級完全絕望啦。（周五4，香港時間周六12:30am開賽）