魯賓卡山震「古」鑠今  到底魯賓卡山仲要頹到幾時？過埋今晚應該有答案，始終佢哋喺主場近6戰取得5勝，對住古賓都要失分嘅話，喺餘下賽事轉捧定對家贏盤都得嘞。（周五3，香港時間周六12:00am開賽） 喺近5場俄超賽事，魯賓卡山只係以2:1贏過弱旅烏拉爾咁大把，其餘幾場波全數都失分，不過睇番佢哋嘅主場成績始終都係唔錯，而且半場亦頻頻領先對手，不妨信多佢哋一次，要「主主」。 早場「雙烏」混戰就比較麻煩，計近況作客嘅烏法真係唔錯，連贏莫斯科火車頭以及古賓，以一隊弱旅嚟講能夠取得連勝絕對唔簡單，問題係作客始終都係信唔過，不過擁有主場之利嘅烏拉爾喺近3戰夾埋失咗6球，轉吼「大」似乎穩陣。（周五2，香港時間周五9:30pm開賽）