米杜士堡「福」至心靈

米杜士堡「福」至心靈 

已經有隊黑馬般尼茅夫打破球會歷史贏得英冠仲殺上英超，不過奇蹟往往只會發生一次，闊別頂級聯賽超過60年嘅賓福特要再晉一級就要問過人腳鼎盛、又養精蓄銳嘅米杜士堡！（周五30，無綫網絡電視301頻道周六2:45am直播）
唔係睇死賓福特，不過佢哋要博到最後一輪英冠先至鎖定附加賽嘅席位，要去到最後一秒鐘先至完成任務都咪話唔傷。當然有成個禮拜時間休息照計夠晒時間回氣，問題係睇埋佢哋成個陣容都冇乜星味，好似首席射手安達格雷今季雖然入咗成16球波，但係佢喺上季都仲係喺業餘聯賽搵食，真係驚佢踢附加賽呢類咁關鍵嘅生死戰會唔會腳軟呀？
反而米杜士堡就以逸待勞，早就決定放棄聯賽玩留力，一次過數晒佢哋現有嘅球星就更加得人驚，淨係車仔新星班福特個大名已經夠嚇，另外韋赫特上季仲踢緊史篤城，其餘位置又喺英超球隊借到人，前中後三線比賓福特更勝一籌，攞住咁嘅人腳首回合作客冇理由死守就算，趁客勝未落飛好買定嘞。