捧大巴黎炒鑊“甘”

捧大巴黎炒鑊“甘”

    今日推介轉轉口味，介紹一場法甲畀大家，當然係豪門巴黎聖日門嘅比賽。對手係中游球隊甘岡，“大巴黎”要完成聯賽三連霸大業，今仗只要擊敗對手全取三分，奪標就可以高唱入雲。球隊計各方面都明顯在對手之上，何況主場仲惡過“丁蟹”，所以贏波應該問題不大，只係睇吓贏多贏少。

    高不成低不就，甘岡已毫無目標，只係打埋呢幾場等“唞暑”，無謂阻住地球轉，就算要硬拼，亦非聖日門對手。初盤巴黎聖日門硬讓兩球，都要捧大巴黎贏波贏盤。

    由於聖日門在首循環曾意外一球不敵甘岡，今仗絕不會有任何鬆懈，為取勝更會全力圍攻對手。近四場全勝兼攻入十四球，卡雲尼、拿維斯及華拉迪都係致命殺手，仲有“伊神”伊巴謙莫域復出，必定殺甘岡個屍橫遍地。

    甘岡近三次去到王子球場輸足三場，最慘係一球不入且共失九球。加上季初法國盃决賽，甘岡在中立場全無還擊之力下兩球落敗，高低立見。今場只望輸少當贏。

    推介：巴黎聖日門4:0