松鼠和主民心所「向」

松鼠和主民心所「向」 

聯賽排名頭三隊嘅日乙球隊，喺今日快車期全部都要作客，應該點都會有隊波最後失分嘅，所以喺主場出擊嘅大宮松鼠只係對住北九州向日葵，相信一定會趁住呢次黃金機會搶分，以進一步追貼幾支前列球隊；只係再睇埋佢哋所有盤路嘅走勢，發現大宮松鼠好少贏波贏盤益街坊，亦冇乜點樣喺頭45分鐘就領先對手，如果嫌主勝熱到冇乜肉食，可以改吼有3.6倍分頭「和主」博一鋪。（周三13，香港時間周三3:00pm開賽）
至於季前冇乜聽過佢哋個名嘅金澤薩維根，依家竟然暫時企到喺榜首位置，好大程度係同佢哋嘅攻防平衡做得唔錯有關，事實佢哋無論係入球量同埋失球數字一啲都唔失禮，問題係呢類突然殺上榜首嘅球隊，往往一旦走光就會俾人重頭提防最後搞到打回原形，所以今次作客近4戰和足3場嘅德島漩渦，就要開始小心佢哋會失分收場。（周三15，香港時間周三3:00pm開賽）