廣島三箭勇往直「前」

廣島三箭勇往直「前」 
 
亞冠盃E組賽事，全北汽車主場對FC山東上演生死戰，主隊和波都夠出線，不過山東就一定要贏，空群而出下隨時暴露大量空位，預計全北汽車可以穩中求勝，買2.22倍「讓主」包冇錯。（周三22，now672台周三6:30pm直播）

全北汽車日前喺本土聯賽以2:0擊敗水原藍翼，今仗亞冠留守主場，免卻舟車勞頓之苦，巴西前鋒干卡維斯、中場李安納度洛迪古斯同埋伊甸奴幾位外援頻頻有士哥，全北汽車嘅攻力有一定保證，買「讓主」嘅球迷唔使擔心。FC山東日前喺中超賽和FC重慶，不過近期大勇嘅巴西前鋒艾萊斯奧未有列入註冊名單，今仗肯定缺陣，而阿根廷中場禾達蒙迪路就未克服傷患，另一中場李微同樣因傷避戰，後衛張馳就要坐波監，所以全北汽車絕對有力大炒贏波贏盤。
同組仲有平陽對柏雷素爾，前者篤定出局，後者肯定出線，擺明係例行公事，鑑於柏雷素爾講明會俾李安度蒙迪拉、基斯坦奴達施華同埋工藤壯人休息，故可敲4.85倍嘅和局，簡直係超回報。（周三21，香港時間周三6:30pm開賽）

平陽鬥柏雷素爾捧和

B組烏茲別克柏克塔哥主場對沙特阿拉伯艾沙比，由於客軍已經肯定包尾出局，相反柏克塔哥必須贏波先有一線晉級希望，鬥心方面有好大差別，故此可以放心買柏克塔哥開2.32倍嘅「讓主」。（周三25，香港時間周三11:30pm開賽）