大阪飛腳「城」竹在胸

大阪飛腳「城」竹在胸 
     
亞冠盃F組賽事，大阪飛腳只要喺主場擊敗FC城南就可以肯定出線，以呢支日職球隊嘅實力，要完成任務並唔算困難，足智彩開讓球主客和，不妨大膽揀大阪飛腳開出2.28倍嘅「讓主」。（周三20，now671台周三6:15pm直播）

大阪飛腳日前喺聯賽作客以0:1不敵浦和紅鑽，近期連勝強勢結束，不過就予人留力之嫌，畢竟佢哋喺今場亞冠只要贏波就肯定出線，權衡輕重之下，保留實力合情合理，雖然中場森晃太郎要坐波監，但係前拜仁球星宇佐美貴史腳風超順，主場要跟進。

廣州RF受讓信得過

南韓球隊FC城南已提早出線，照計唔會阻住相反大阪飛腳搵食，事關佢哋喺本土聯賽暫列中游，邊樣重要啲唔使再多講，而且城南有主力後衛尹英善停賽，防線隨時缺堤，揀大阪飛腳開出2.28倍嘅「讓主」合理。
同組武里南聯亦都一定要贏，仲要望大阪飛腳失分先有機會突圍，不過佢哋今日對廣州RF嘅時候，有中場維拿華通度被罰停賽，陣容並唔完整，讓一球有難度，信廣州RF可以開出2.3倍「讓客」。（周三19，now670台周三6:15pm直播）
A組伊朗柏斯波利斯主場對烏茲別克賓約哥，主隊贏波肯定晉級，而賓約哥篤定出局，兼有後衛卡里莫夫同加夫洛夫雙雙坐波監，柏斯波利斯唔攞3分對唔住自己，「讓主」穩陣。（周三27，香港時間周四12:05am開賽）