巴塞滅絕“仁”性

巴塞滅絕“仁”性

    一三年歐冠盃四強決鬥，拜仁慕尼黑兩回合七球重創巴塞羅那。冤有頭，債有主，兩年後，呢兩支歐洲頂級勁旅又在四強碰頭，焦點更加係“過底”嘅哥帥帶領拜仁重返魯營球場，巴塞粉絲肯定愛恨交纏。明晨上演嘅“巴拜”超級大戰，鍾意波嘅球迷又點可以錯過。

    有仇不報非君子，巴塞今場肯定展開大報復，更加會借勢行兇。巴塞近六戰取得全勝，攻入廿三球只失一球，MSN組合全面開足火力，三大殺手今季合共攻入一百○八球，成為本世紀最強攻擊組合。今季防守同樣令人信心十足，加上主場勁爆威力，巴塞有望復仇成功。

    拜仁上仗對利華古遜收起大部分主力，擺明與巴塞“死過”。但踢作客對住咁強勁對手，拜仁應會處於下風。雖然哥帥對巴塞踢法應該瞭如指掌，特別係前愛將美斯，不過，尼馬與蘇亞雷斯一樣防不勝防。初盤巴塞羅那讓半球／一球，為免次回合陷於苦戰，巴塞今仗定必全力斬殺對手，對住哥帥，一於你不“仁”我不義。

    推介：巴塞羅那2:0