鹿島鹿角親自出「首」

鹿島鹿角親自出「首」 

亞冠盃H組上演出線生死戰，鹿島鹿角只要喺主場擊敗FC首爾，就可以反壓對手成為小組次名而晉級，全隊肯定會施展渾身解數，加埋球迷吶喊助威，鹿島鹿角讓平手、半球上盤要出「首」。（周二4，now670台周二7:00pm直播）

鹿島鹿角呢排表現略嫌反覆，近5戰3勝2負，亞冠同日職作客贏晒，不過喺日職就主場兩連敗，上周不敵甲府風林更令人意外，但好在金崎夢生、遠藤康同埋柴崎岳等球員腳風唔錯，認真作戰下可秤先，加埋主場球迷打氣就更加勁啦！

FC廣州可挫西悉尼

FC首爾走勢一般，佢哋已經連續4場不勝，包括喺本土聯賽連和FC光州同埋FC城南，早前又不敵水原藍翼，雖然呢支南韓球隊喺亞冠盃H組暫以得失球差領先鹿島鹿角，不過今晚一輸就會退居第3位，都係信主隊開上盤。
同組西悉尼流浪者仲有一線生機，只要佢哋作客擊敗FC廣州，而FC首爾同鹿島鹿角又打和，西悉尼就可以奇蹟晉級，不過呢個世界邊有咁多童話，回到現實都係搏FC廣州開2.12倍「讓主」。（周二3，now671台周二7:00pm直播）
而C組沙特阿拉伯希拉爾對卡塔爾艾薩德只係名次之爭，無論誰勝誰負都唔影響大家出線，不過希拉爾走勢好凌厲，近8戰獲7勝1和不敗，斷估今晚都會放過艾薩德，「讓主」有2.75倍超級抵玩。（周二7，香港時間周三12:05am開賽）