AIK蘇納「馬」到功成 勁旅喺失分之後肯定會諗盡方法止血，好似瑞超嘅AIK蘇納上仗同阿維達貝治踢成平手冇咗2分，今晚返到主場自然唔會放過哈馬比啦！睇番今季蘇納先後對住馬模同埋艾夫斯堡都失過分，不過佢哋喺打後場波就大炒加費萊以及奧雷布洛出氣，贏波之餘仲贏埋盤，有晒往績支持，所以呢場瑞超吼得蘇納贏波嘅話，要埋「讓主」都得。（周一8，香港時間周二1:05am開賽） 去到挪超見到維京主場出擊，可惜都好難令到莫迪失分！冇錯維京嘅表現唔錯，今季仲贏過特林素同埋辛迪夫佐特，問題係佢哋早前先至大敗過俾洛辛堡，似乎同前列球隊嘅級數仲係相差好遠，撐作客嘅莫迪可以由頭贏到落尾開埋「客客」。（周一7，香港時間周二1:05am開賽）