切爾達W「美」不勝收

切爾達W「美」不勝收
   
西甲獨腳戲切爾達作客艾美利亞呢場波嘅焦點，一定係關於前者會唔會賣個順水人情畀艾美利亞攞分護級，不過答案恐怕就係：唔好諗錯隔離！（周一11，香港時間周二2:45am開賽）

好多人都以為切爾達已經無欲無求，而主隊艾美利亞仲要搶分，賽前可能會有「默契」都唔定喎！不過咁諗就未免會失望嘞，睇番佢哋喺近4戰贏足3場，華歷簡奴、伊巴，同埋馬拉加都係佢哋嘅身下敗將，而所輸一役就係作客超晒班嘅皇馬，不過有睇呢一場波就會發現佢哋成班球員個腦入面根本冇「留力」呢兩個字！

切爾達對中游隊有把握

睇番前仗切爾達作客皇馬不但只冇擺「大巴陣」，仲大膽到同「銀河艦隊」鬥攻，雖然最終都係輸波，但係就有晒交代；再睇埋佢哋喺近期只係輸過俾皇馬、巴塞、畢爾包，同埋維拉利爾，清一色都係中上游嘅球隊，似乎場場都會去盡，冇錯今晚冇咗中場奧賓拿，不過只要洛尼圖同埋拉里維冇事就唔會有任何問題，見到客W只係得1.9倍，相信佢哋會繼續搏殺落去。