兵工廠有“虎”患

    兵工廠有“虎”患

    英超前四名基本上已經呼之欲出，阿仙奴肯定打風打唔甩，祇係能否爭到“老二”之位。榜尾護級形勢就相當激烈，除昆士柏流浪與般尼應該無藥可救，最少有五支球隊仍要掙扎求存，包括明晨主場出擊嘅侯城，將會與阿仙奴展開激鬥，雙方都要為搶分而戰，肯定各不相讓。

    先講兩隊近三次對陣，上季足總盃決戰，在溫布萊球場殺得難分難解，阿仙奴幾經艱苦在加時激殺侯城，才能捧走九年來第一個冠軍獎盃。今季聯賽首循環碰頭，侯城作客酋長球場幾乎偷襲得手，惜完場前被兵工廠逼和二比二，未能報回足總盃一敗之仇。至於最近一次對賽就在今季足總盃第三圈，阿仙奴同樣主場出擊，該仗就贏得較為輕鬆。

    冇錯，阿仙奴在三場比賽中的確佔得優勢，但唔代表今場亦可力挫對手，始終侯城今仗有主場之利，上場就在自己地頭殲滅“紅軍”，連續兩場取勝，士氣無疑可以加強爭勝決心。初盤阿仙奴讓半球 / 一球，一於揀侯城，唔好以為“老虎”唔發火當病貓。

    推介：和波1:1