修咸頓贏波冇「蘭」度 護級形勢仍水深火熱嘅新特蘭，將會喺主場迎戰修咸頓。早話過新特蘭換咗艾禾卡特領軍後朝氣好咗，問題係佢哋前線無論鋒力同創造力都係得啖笑，今晚就連史提芬費查同列卡度艾華利斯都唔打得，阿當莊臣因為惹官非亦未必落場，靠域咸同老將祖迪高美斯，真係好難攞到分護級。（周六35，now622台周六10:00pm直播） 修咸頓依家落後熱刺1分，想爭歐霸資格今晚唔可能放軟手腳；好在意大利中鋒加斯安奴柏利腳風轉順，上場對熱刺回勇個人梅開二度，令修咸頓前線火力即時有所提升；無疑客軍今晚亦有中場舒尼達連倦勤，但雲耶馬絕對可取代其位置，預期客軍攻守平衡唔會受到太大影響，作客照讓平、半合理。