昆流受讓「物」超所值

昆流受讓「物」超所值
   
利物浦3戰不勝，爭前四名存實亡，雖然佢哋實力強過今戰對手昆士柏流浪，不過踢波嘅嘢好講鬥志，英超淨番最後4場，梗係買護級球隊發窮惡啦，足智彩開讓球主客和，昆流「讓客」有計。（周六34，now621台周六10:00pm直播）

喺足總盃4強爆冷不敵阿士東維拉出局之後，利物浦就好似冇晒目標一樣，連續兩場英超對中下游球隊都失分，包括0:0和西布朗，同埋0:1不敵侯城，巴洛迪利復出後表現依舊平淡，而艾拔圖摩蘭奴、盧卡斯、史杜列治同埋馬馬度沙高亦繼續養傷，難怪領隊羅渣士都話爭前四已投降。
昆士柏流浪都有傷兵，包括阿曼特查奧爾、里奧費迪南、艾真度科連同埋伊度亞度華加斯，不過呢班十字軍當中，只係得智利國腳伊度亞度華加斯係新傷，其餘幾位已經唞咗一段時間，所以對部署影響唔大，而雖然昆流近4場比賽只係取得1勝2和1負，但唯一敗仗係輸俾車路士，另外有大勝西布朗紀錄，對住排名較高嘅韋斯咸亦可賽和，證明球員都搏晒命搶分，是役作客水準不穩嘅利物浦，有力開出3.1倍嘅「讓客」。