捧奈梅亨保持佳「積」 奈梅亨已經贏得荷乙冠軍，不過喺打後嘅賽事唔好妄想佢哋會求求奇奇，翻查番今季賽績佢哋已經連贏16場聯賽仲多嘞，係人都想以一個完美結果嚟堆單計數，所以你咪睇到今季分別射入27球以及20球嘅艾斯同埋基斯甸山度士繼續自動請纓上陣；睇埋奈梅亨喺上年11月作客阿積士青年隊曾經和波失波，照計唔會睇少對手，令到呢個連贏16場聯賽嘅紀錄就咁斷纜。（周五8，香港時間周六2:00am開賽） 至於排喺第2至5位嘅球隊可以晉身升班附加賽，其中洛達就肯定有份踢附加賽，而且呢一場波佢哋只係喺客場出擊，所以佢哋今晚全心留力，甚至輸埋都肯定冇人會怪佢哋，主隊有能力偷雞贏波。（周五2，香港時間周六2:00am開賽）