馬賽客客望「梅」止渴

馬賽客客望「梅」止渴
 
連輸4場已經跌到落第5位嘅馬賽仲要唔要得過？始終佢哋仲識入波唔敢睇得太死，冇晒壓力「反底」都唔出奇，再出吼實「客客」！（周五20，無綫網絡電視302頻道周六2:30am直播）
的確呢幾場波長追馬賽「反底」真係會損手爛腳，不過今晚不妨再畀多次機會，一嚟佢哋上仗喺主場雖然係爆個半冷不敵羅連安特，但係全場搶攻嘅踢法冇改變過，當中阿休又有入波，最大嘅問題只係後防太過大意，好彩睇番今仗嘅對手梅斯喺近10場主場只係入到11球波咁少，真係唔使咁擔心佢哋要由龍門攞番個波出嚟。
而最有利嘅因素就係，馬賽有接近一個禮拜嘅時間回氣，而主隊梅斯喺周中先俾巴黎聖日耳門大炒完，以一隊護級份子嚟講，本身嘅人腳已經唔夠，士氣又唔好，只係相隔幾日再出都咪話唔攞命！所以呢次馬賽絕對係集晒所有有利條件於一身，客勝做到熱門已經講明贏面好大，配合番佢哋搶攻嘅風格要吼實「客客」。