皇蘇和主有「利」可圖

皇蘇和主有「利」可圖
 
有邊一隊波打少個都可以唔輸？皇蘇喺上輪西甲作客畢爾包就要「10打11」，不過冇佔下風仲搶到分數，睇見佢哋仲有貨交，返到主場要得過！（周五21，香港時間周六2:45am開賽）
上輪皇蘇作客畢爾包喺半場冇耐就踢少個米基干沙利斯，原本以為「10打11」再輸多球12碼會輸硬啦，點知冇耐就憑迪拉比拿追成平手，踢少個都可以不敗，識波嘅都知道呢個賽果絕對唔簡單啦！
當然亦唔好忘記今季莫耶斯空降皇蘇，為嘅唔係賺嗰些少人工，而係要證明自己嘅執教功力，所以其他中游份子去到季尾可能會行行企企，不過由「莫天才」帶隊嘅皇蘇就一定繼續場場去盡，遇到連贏基達菲以及科爾多瓦嘅利雲特正正就係表現自己嘅黃金機會，所以主隊都仲係要睇高一線。
再睇埋皇蘇喺近8戰開過6次「半和」，睇嚟佢哋都係唔鍾意狂攻對手，既然係慣以穩陣行先，咁樣要得主勝之餘梗係可以揀埋「半主」。