洛辛堡主場創歷「史」 今晚挪超得兩場賽事，排喺榜首嘅洛辛堡自然成為主角，不過實在好難怪佢哋繼續係全晚焦點，事關開季冇耐除咗和過史卓加斯特令大家損手之外，其餘對住阿里辛特、侯格辛特以及維京都冇甩拖；特別係要留意以上幾場勝仗全數都係贏波贏盤，所以撐佢哋贏到史達，一定要跟埋盤路要埋「讓主」。（周四12，香港時間周五2:00am開賽） 另一隊前列份子華拉倫加亦係僅僅和過1場，其餘3輪挪超都係贏波而回，不過要留意佢哋嘅入波數字明顯唔及洛辛堡，睇嚟短時間內都好難威脅到榜首位置，對住肯定會死守90分鐘嘅阿里辛特未必會贏波贏盤益大家，「讓和」有高水反而要得過。（周四6，香港時間周五12:00am開賽）