布拉加半客明益「里」

布拉加半客明益「里」
 
隨住士砵亭繼續喺葡超贏波，布拉加要後上攞到歐聯席位嘅機會，已經變得非常渺茫，不過如果佢哋要殺入葡萄牙盃決賽，攞番個安慰獎，就應該冇乜問題。（周四14，有線155台周五3:00am直播）
留意目前葡超積分榜，布拉加落後俾第3位嘅士砵亭有成12分咁多，要贏晒餘下4輪葡超之餘，亦要寄望士砵亭輸晒所有比賽，咁樣先至可以後上攞番個歐聯席位，不過呢個可能性有幾大，大家應該心中有數啦。
可以預期，布拉加雖然攞唔到歐聯席位，但係佢哋一定唔會放過本土盃賽，當係攞個安慰獎，尤其係另一條戰線，冇晒賓菲加同埋波圖，只要能夠殺入決賽，都咪話冇機會捧盃；不過要小心嘅係，佢哋喺首回合已經領先對手3球咁多，喺次回合作客贏又得、甚至少敗都夠出線，只要喺頭45分鐘唔犯下大錯嘅話，就穩入決賽咁滯。