吼拿玻里客客「安」全

吼拿玻里客客「安」全
 
追吓追吓，拿玻里已經貼住羅馬，今晚作客對住有成個月未贏過波嘅安玻里，絕對唔容許失手，近期做慣「急先鋒」似乎要吼實「客客」先得。（周四13，無綫網絡電視301頻道周五2:45am直播）
真係冇得唔佩服拿玻里主帥賓尼迪斯嘅領軍能力，季初曾經傳過佢會人頭落地，點知打後無驚無險，而喺早幾個月又再傳出類似消息，不過佢就帶領球隊喺歐霸殺入準決賽，甚至喺意甲追貼羅馬，總之每一次傳出易帥就立即交到成績！
睇番拿玻里喺近5戰足足贏成4場咁多，嚴格嚟講甚至可以當係連開5W，事關歐霸同禾夫斯堡踢成平手一役曾經一度領先到2:0咁多，只係賓帥份人比較有同情心先至冇「雙殺」到對手，再睇埋希古恩、荷西卡利祖，同埋咸錫呢對前線組合嚟到季尾仲有貨賣就知道呢場波唔撐佢哋唔得，配合埋近期嘅半場走勢可以要埋「客客」。