馬體會小勝「利」潤高

馬體會小勝「利」潤高
   
偶然一、兩場波走樣仲有得賴，不過維拉利爾已經有成個半月未踢過一場好波，好衰唔衰喺呢個時候遇到遇到馬德里體育會唔大敗已經要收貨。（周三43，now632台周四4:00am直播）

維拉利爾由爭歐聯席位「降呢」到要搶番歐霸位置，好大程度係同前線死火有關，尤其係中前場大腦杜斯山度士傷出嗰段時間完全入唔到波，喺歐霸慘遭西維爾「雙殺」出局亦好傷士氣。當然馬體會剛剛喺歐聯不敵皇馬出局亦對士氣有好大影響，不過見到佢哋大炒艾爾切就知道全隊上下已經收拾好心情繼續搶分，總之要保住歐聯席位，不過要小心維拉利爾未必會攻，而施蒙尼偏偏最怕呢類「老鼠拉龜」嘅場合，點睇呢場波嘅勝負將會喺1、2球間上落。
同樣編喺尾場嘅艾爾切雖然剛剛大敗喺馬體會腳下，不過睇番佢哋早前贏過皇蘇同埋科爾多瓦，睇嚟佢哋對住前列球隊都係冇晒乎，不過面對番中下游球隊都仲有辦法，今晚喺主場迎戰拉科魯尼亞仲係信得過，2.15倍主勝係過關鐵腳之選。（周三42，香港時間周四4:00am開賽）