皇馬大勝「美」妙選擇

皇馬大勝「美」妙選擇
    
喺班拿貝球場對住艾美利亞失分？咪玩啦！目前皇馬仲未完全放棄追逐西甲冠軍，甚至連完全冇出場機會嘅「小豆」都可以鹹魚翻生，睇「讓主」開到「-2」都冇乜肉食，就知道大家點睇啦！（周三31，now632台周四2:00am直播）

喺主場對住一隊排喺第17位嘅艾美利亞，實在唔使諗皇馬會出邊個、收起邊個，尤其係見到「小豆」接連喺歐聯，同埋上輪西甲大炒切爾達一役都有波入就睇得出全隊都「弗到漏油」，唯一係驚佢哋會贏波輸盤嘅啫！不過呢方面絕對唔使擔心咁多，事關佢哋目前仲落後緊俾巴塞，主帥安察洛堤要保住帥位嘅話，一係就贏得歐聯冠軍，一係就喺呢段時間狂炒對手攞印象分，問題係近年已經冇一隊波能夠冧莊贏得歐聯，試問佢哋又點會輕易放過艾美利亞？
至於上輪西甲切爾達面對住皇馬都敢同對手鬥攻，對番馬拉加冇理由突然轉玩死守嘅啫，今季佢哋靠查里斯喺前面死扭爛扭拉開空間，令到拉里維同埋洛尼圖有大把入波機會，又係一場「大」戰。（周三29，香港時間周四2:00am開賽）