畢爾包小勝「斯」人醒 已經提過呢隊畢爾包嚟到季初仲咁落力，為嘅並唔係歐洲賽嘅入場券，而係為巴斯克爭番些少面子，所以上仗作客科爾多瓦唔好當係「風流波」，最終少勝完全唔覺得意外，不過要小心佢哋上仗只係靠一球烏龍波擊敗對手，真係擔心老將阿度里斯唔係頂到好耐，對住擅長防守嘅皇蘇少勝都要袋住先。（周二17，香港時間周三4:00am開賽） 同時間亮相嘅利雲特雖然只係對住科爾多瓦，但係千祈唔好以為佢哋贏硬，始終呢隊中游份子喺近5場西甲夾埋失咗9球波咁多，防守有唔少問題，不過轉買連續15戰未贏過波嘅科爾多瓦贏波亦太過冒險，兩邊都冇能力贏波似係和局收場。（周二18，香港時間周三4:00am開賽）