迪安贏一粒「勒」唔住 眼見前面嘅特魯瓦要硬撼昂熱，同時比斯特亦要作客，以上幾隊波總有一隊會失分，若果迪安唔趁住呢個黃金機會搶分嘅話，今季升唔到班就冇得怪人！睇番迪安去到季尾的確係有些少下滑，尤其係首席射手祖利奧泰華利斯已經有成個月咁耐未入過波，不過上仗作客贏到奧連斯都算係咁，返到主場有力少勝阿勒斯開番個讓和。（周二6，香港時間周三2:30am開賽） 仲有些微機會升班嘅南錫就比較麻煩，事關主隊華倫西恩斯仲未完全脫離降班漩渦，要盡全力搶分護級，呢一場波兩邊都冇本錢玩死守，見到呢類焗攻嘅場合唔愁會冇波入，總之唔好理邊隊贏、邊隊輸，等睇「大」戲啦！（周二11，香港時間周三2:30am開賽）