GFCO主場橫行霸「度」 見到有機會升上法甲嘅球隊喺主場出擊真係唔好錯過，好似GFCO阿些斯奧喺季尾連贏查多魯、索察，同埋拉瓦勒，唔只主場識贏，就連作客都有表現就知道佢哋正盡緊最後努力爭升班啦，所以今晚喺自己地頭再出梗係要捉實唔放，近期半場頻頻領先對手，直情可以放棄主勝要埋「主主」都冇問題。（周二7，香港時間周三2:30am開賽） 至於榜首特魯瓦就要迎戰另一隊有份爭升班嘅昂熱；留意特魯瓦已經領先第2位有成7分距離，只要喺打後嘅賽事唔出現重大錯誤就可以贏得冠軍，估計佢哋今晚會踢得非常保守，當然昂熱只要唔輸亦有機會升班，兩邊唔想輸似握手言和。（周二10，香港時間周三2:30am開賽）