聖日耳門「梅」開二度 剛剛巴黎聖日耳門先至大炒里爾，不過最令人大跌眼鏡嘅就係雪到硬晒嘅拿維斯都可以連中三元，睇嚟佢哋已經收拾歐聯出局嘅心情嘞！（周二16，無綫網絡電視302頻道周三3:00am直播） 一隊係榜首球隊，而另一隊就仲護緊級，唔使問都知道聖日耳門嘅贏面有幾大啦，係驚佢哋會贏波輸盤嘅啫！不過睇埋聖日耳門照樣大炒里爾之後，就知道佢哋並唔甘心小勝1球全取3分就算，就算主力伊巴依然要停賽都好，總之喺主場出擊一定要贏得好好睇睇，所以你咪睇到卡雲尼同埋拿維斯都唔敢偷懶；再睇埋佢哋目前只係領先里昂3分咁多，1分都唔可以失，睇嚟今晚又會大炒對手，護緊級嘅梅斯要搶分都係再等吓添啦。