國際米蘭愛屋及「烏」

國際米蘭愛屋及「烏」
   
烏甸尼斯雖然啱啱殺敗A米，不過今晚再遇另一米蘭市球隊國際米蘭，想再攞3分唔容易，因為藍黑兵團呢期著晒火，近3戰獲2勝1和，文仙尼果然有啲計仔，搏國米反客為主，開「讓客」益街坊。（周二13，無綫網絡電視301頻道周三2:45am直播）

憑藉比斯同埋艾曼紐巴度各建一功，烏甸尼斯上輪意甲以2:1殺敗AC米蘭，但呢場只係球隊近7戰以嚟嘅唯一勝仗，當中仲未計同德乙球隊RB萊比錫友賽打和，所以烏甸尼斯嘅近況其實只係麻麻，要喺幾日內連勝兩支米蘭球隊並唔容易。
國際米蘭表現就似樣好多，先以3:0大炒維羅納，再同AC米蘭喺打吡戰中踢成0:0，上輪意甲就以2:1力克前列份子羅馬，3戰2勝1和不敗，當中更只係失咗一球，呢期買藍黑兵團嘅球迷應該執唔少，一於感恩圖報繼續撐佢哋啦！射手莫路伊卡迪喺呢3場波當中射入2球，狀態係全隊最好，而柏拉斯奧同靴蘭尼斯兩位中前場球員都唔失禮，大大改善咗季初進攻乏力嘅缺點，教練文仙尼應記一功，既然個勢頭咁好，唔好俾佢停，捧國際米蘭反轉烏甸尼斯地頭開埋個「讓客」。