捧巴塞主場打爆「基」

捧巴塞主場打爆「基」 

巴塞隆拿已經贏到唔識停，目前嘅狀態同埋走勢都係全季最好，加上西甲一直被皇馬緊纏，為免大意失榜首，是役喺魯營球場對基達菲絕對唔會放軟手腳，足智彩開讓球主客和，巴塞「讓主」動殺「基」。（周二1，now632台周三2:00am直播）

歐聯技術性擊倒巴黎聖日耳門，已見巴塞重拾昔日細膩風格，邊個話安歷基上任之後只係識得守？上周打吡戰以2:0擊敗愛斯賓奴，美斯、尼馬同埋蘇亞雷斯全部有貨交，呢個進攻鐵三角愈嚟愈合拍，難怪球隊戰績穩步上揚，最近又斬獲4連勝啦！鑑於皇馬喺西甲步步進逼，巴塞目前最重要係自求多福，特別係主場對弱旅嗰陣，真係唔應該大意失分，雖然休息幾日匆匆再戰，不過基達菲嘅處境亦一樣，巴塞勝在返魯營出擊，而且板凳深度夠，使乜怕開快車，密食當三番啦！
一樣基達菲近兩戰全敗，分別輸俾利雲特0:1，同埋0:4慘負畢爾包，總共吞咗5隻光蛋咁多，反映球隊嘅防守同進攻都存在問題，加上佢哋造訪魯營不乏大敗往績，今晚螳臂擋車都係凶多吉少，買巴塞隆拿熱開「讓主」冇爭議啦！