士砵亭客客有道「里」 近幾季嘅葡超冠軍的確係唔關士砵亭事，最終都係波圖或者賓菲加玩晒，不過話晒佢哋仲有份爭歐聯入場券，尤其係今晚只要贏埋摩里倫斯，咁就可以諗定買邊個球員踢歐聯附加賽嘞，冇理由咁快就放棄！（周一7，有線155台周二3:00am直播） 士砵亭仲有5輪葡超未踢，而佢哋已經領先多踢一場嘅布拉加有成9分距離咁多，今晚只要順利一贏摩里倫斯，就會將分數拉開到12分咁多，而由於葡超係計對賽成績行先，所以只要士砵亭打後唔係大敗俾布拉加，就可以攞到最後一張歐聯入場券嘞！不過與其左計右計，贏波攞分先係最實際，始終士砵亭有曼聯借將拿尼領軍，首席射手施利文尼近期腳風轉順，贏波嘅難度唔大，係驚佢哋近期好少贏波贏盤，呢個時候最好就係博佢哋一開波就搶攻開個「客客」。