般尼茅夫信心「保」證 今季英冠真係精彩到爆，甚至到依家都未定到邊隊攞冠軍，僅屈福特喺禮拜六晚奠定來季升上英超資格。不過有一樣嘢就可以肯定，就係今晚主場出擊嘅般尼茅夫一定會喺保頓身上開出主W全取3分，以奠定升班資格，鬥志信得過！（周一6，無綫網絡電視301頻道周二2:45am直播） 如果般尼茅夫最終升唔到上英超就只能夠怪自己唔爭氣嘞，事關佢哋上仗幾乎可以殺死錫周三坐穩榜首，可惜喺補時階段唔生性搞到和波，最終不但只以1分落後俾屈福特屈居次席，同時米杜士堡亦追埋上嚟，好在後者日前失分，般尼茅夫今晚贏到升班資格就穩陣，所以今晚佢哋對住唔同級數嘅保頓，一定唔會犯下同一個錯誤，趁住幾支大炮哥林威爾遜、卡莫根特，同埋比列比文都大勇，唔大炒對手攞分仲等幾時？