布倫瑞克奧厄鬥「大」 一日未到最後一刻，相信布倫瑞克同埋奧厄都唔會咁輕易放棄；主隊布倫瑞克只要贏晒餘下嘅賽事，就仲有機會喺來季升上德甲作賽，而排緊榜尾嘅奧厄，就仲未被判死刑，總之贏多幾場就隨時都有奇蹟發生，所以呢兩隊波近期喺德乙咪有鹹魚翻生嘅跡象囉！當然計實力布倫瑞克絕對係高過奧厄一皮，不過主勝得1.58倍好似唔太抵玩，既然兩邊都要搶分，點解唔考慮一吓「大」？（周一3，香港時間周二2:15am開賽） 較後時間法乙嘅索察都應該知道升班已經無望，近期對住GFCO阿些斯奧同埋勒哈弗爾唔單只輸波，甚至連入波都欠奉，成班球員似乎已經等緊放假；相反無慾無求嘅克萊蒙特喺近5戰竟然贏到4場咁多，睇近績有理由相信主隊可以再下一城。（周一4，香港時間周二2:30am開賽）