吼愛華頓「曼」無一失

吼愛華頓「曼」無一失    
 

今晚阿車大戰安排到尾場，早開波又爭緊前四幾隊波都相對有利，當中早場愛華頓對曼聯都算係大戰。愛華頓近5場英超贏4場，即時脫離護級邊緣，而且亦證明咗，佢哋今季成績差係因為分心歐霸所致，而現時拖肥糖雖然冇嘢好爭，不過馬天尼斯都要向球迷證明自己仍然係適合人選帶領「拖肥」，曼聯今場續缺卡域克，進攻上肯定唔會太流暢，信愛華頓主場可至少保住不敗。（周日24，now621台周日8:30pm直播）

愛華頓上季都仲係爭逐前四份子，今季突然咁差，全因今季分心歐霸，不過自從佢哋出局之後，對上4場聯賽贏3場，雖然贏波都只係僅勝，不過對於成季低沉嘅士氣已經好大幫助，而佢哋今場冇主力傷停，要保住主場10場不敗嘅成績，應該喺能力範圍之內。

紅魔鬼續缺卡域克

曼聯上場不敵車路士，聯賽冠軍希望肯定幻滅，不過過程上佢哋全反壓車仔，都算係俾曼迷一個希望，就係下季應該可以捲土重來，賽前已經傳出佢哋即將簽下迪比，根度簡亦在範圍之中，不過問題係今場佢哋今場續缺卡域克，冇咗呢個中場之下，曼聯喺攻勢上明顯冇咁流暢，亦間接令到馬達同靴里拉少咗組織機會，費蘭尼倒戈會唔會再被柴台刺激情緒又係另一憂慮之處，呢場曼聯要攞呢3分的確唔易。