李斯特城脫「尼」苦海   英超今晚上演護級生死戰由般尼主場迎戰李斯特城。般尼依家排包尾距離尾4侯城2分但打多一場，自然仍然有望逃出生天，可惜佢哋近排前面死晒火，近8周聯賽只入過2球咁大把，新星丹尼艾格斯喺一輪虛火後已冇晒料到；相比之下李斯特城就愈戰愈勇，近3周連贏韋斯咸、西布朗同埋史雲斯，仲場場最少入到2球，依家更升到上尾3僅得失球落後侯城，形勢比般尼好下，球員信心亦應該稍勝一籌，平手盤放心捧場。（周六25，now622台周六10:00pm直播） 同時間水晶宮會對侯城。後者護級壓力都大，但近況同樣差劣近6周得2和4負；至於水晶宮冇壓力，上周主場更意外輸俾西布朗，戰意下降放1分俾老虎兵團唔奇。（周六26，now624台周六10:00pm直播）