捧畢爾包不為「瓦」全

捧畢爾包不為「瓦」全 
 
足足有成3個月咁耐未贏過1場波，再捧科爾多瓦贏波同長追「盲門」有乜分別呀？所以今次科爾多瓦雖然係喺主場出擊，但係對住畢爾包都幾難畀到任何威脅。（周五31，香港時間周六2:45am開賽）

當然你可以話，科爾多瓦唔識贏啫，不過近期話晒和過拉科魯尼亞同埋維拉利爾，近況仲未差到貼地，都有可能死守和到對手。對於呢個疑問大家可以放心嘞，睇番畢爾包目前落後俾第6位嘅維拉利爾有成9分咁多，根本就冇乜機會後上攞個歐霸席位。不過佢哋上仗照樣喺主場大炒基達菲，睇得出佢哋並唔係純粹為分數而戰，而係要為巴斯克球隊爭番一口氣，理得有冇份踢歐霸，總之能夠過到幾多隊就過幾多隊，戰意一定唔需要懷疑。
留意畢爾包嘅老將阿度里斯喺今季嘅表現唔錯，上場更加梅開二度，去到季尾仲未腳軟似乎仲有大把貨賣，絕對幫到球隊作客贏波；再睇埋佢哋由上個月開始半場嘅走勢往往就等於全場賽果，總之半場領先就可以由頭帶到落尾、半場落後就直情輸埋，所以今晚撐佢哋贏得嘅話，不如轉吼更加高水嘅「客客」仲好。