辛尼特W「爾」成定局

辛尼特W「爾」成定局

歐霸盃8強次回合，俄羅斯球隊辛尼特返主場炮製西維爾，勢要收復首戰輸1:2嘅失地，睇返近期辛尼特嘅本土聯賽，明顯留晒力打呢場波，所以足智彩開讓球盤，辛尼特小讓平手、半球買上盤真係有數圍架！（周四4，有線64及203台周五3:05am直播）
單計俄超，辛尼特近期連和魯賓卡山同埋古賓，不過你真係吹佢唔漲，聯賽榜鶴立雞群，遠遠拋離次席嘅卡斯洛達，絕對有資格踢風流波，而且佢哋首回合作客西維爾只係輸1:2，僅負一球兼有作客入波在手，今晚贏1:0其實已經夠數，機會都幾樂觀。大家耳熟能詳嘅幾位辛尼特球星都可列陣，包括巴西國腳侯克、前俄超最高身價球員丹尼艾維斯、荷西朗頓、查維加西亞、艾沙維、基沙哥夫、加雷、基斯薛圖，同埋比利時國腳韋素全部冇傷冇病，夫添出擊有收復前失嘅能力，上盤並唔係不可能嘅任務。
西維爾上周西甲同弱旅CF格蘭納達打和，當然都唔排除係留力啦，不過要算對手擺烏龍先至攞番1分，似乎就有啲狼狽喎！前鋒卡路士巴卡腳風幾順，法國射手加美路都踢得唔錯，只可惜迪奧高費古拉斯同埋高洛薛斯沙克等後防球員因傷缺陣，防守力唔多唔少都受到影響，畢竟由西班牙遠征東歐都唔好受，平手、半球盤梗係揀主隊辛尼特啦！