捧流浪者主場獵「鹿」

捧流浪者主場獵「鹿」
 
只要鹿島鹿角連贏流浪者同埋FC首爾，咁就可以連取6分，話唔定會攞埋H組最後一個出線席位；不過現實還現實，其實佢哋喺主場遇到流浪者都要大敗，作客就更加冇眼睇啦！（周二1，now670台周二5:30pm直播）
其實早喺兩個月前，鹿島鹿角就喺主場遇過西悉尼流浪者，點知喺主場都要輸到1:3，少敗1球都仲可以賴係冇運，不過咁樣大敗法就真係冇藉口嘞；再睇埋鹿島鹿角喺日職亦未完全上力，尤其係巴西前鋒達維，佢到咗呢一刻都仲未喺聯賽開齋，唔捧佢哋今次大敗已經好畀面。
至於西亞球隊艾薩德喺C組就同希拉爾同得7分，今次喺主場迎戰富拿特將會影響到佢哋嘅榜首位置！睇埋富拿特踢咗4輪亞冠僅入1球，淨係睇個得失球數字已經知道完全唔係艾薩德嘅手腳，擺到明係「大炒格」梗係揀埋「讓主」。（周二7，香港時間周三12:00am開賽）