般尼客場茅塞「頓」開

般尼客場茅塞「頓」開

愛華頓位列中游高不成低不就，加上傷兵數目都唔少，今晚英超主場迎戰般尼有冷味，客軍為護級場場搏盡，眾志成城下攞分走唔係奇事，足智彩開讓球盤，搏般尼受讓半球、一球開下盤。（周六25，now623台周六10:00pm直播）

奧士文、艾登麥基迪、吉遜、白賴仁奧維度同埋希拔全部因傷掛免戰牌，比利時前鋒盧卡古嘅傷勢亦都反反覆覆，愛華頓主場出擊都有隱憂，雖然客軍般尼近3場聯賽不勝，但係戰情都係力戰而敗，加上較早前有爆冷贏曼城嘅前科，為護級搏盡未必輸實，受讓半、一買下盤。

李城主勝風起「雲」湧

另一支護級球隊李斯特城都可以吼，佢哋今晚嘅對手史雲斯戰意未明，隨時會揸流攤讓路，何況巴菲迪比高美斯、基爾洛頓、湯卡路爾同埋厄瓜多爾翼鋒謝法臣蒙迪路全部受傷，實力唔完整之下更加有失分藉口，唔好忘記李斯特城近兩戰全勝，分別以2:1擊敗韋斯咸同埋3:2力克西布朗，擺到明係發窮惡搶分，所以足智彩開讓球盤，不妨博李斯特城讓平手、半球上盤得手。（周六26，now622台周六10:00pm直播）